ໃບບິວຫຼັກສູດການຮຽນຮູ້ແບບແນະແນວຂອງກອງທຶນ AASCTF
[ຍັງມີຢູ່ໃນພາສາອັງກິດ, ອິນໂດເນເຊຍ, ຂະເໝນ, ແລະຫວຽດນາມ]
ປັດໃຈເພື່ອປົດລັອກ ນະຄອນອັດສະລິຍະທີ່ໜ້າຢູ່ ແມ່ນການຄຸ້ມຄອງຂໍ້ມູນ. ນະຄອນສ່ວນໃຫຍ່ໃນປັດຈຸບັນສ້າງຂໍ້ມູນຈໍານວນຫຼວງຫຼາຍ ທີ່ໄດ້ຈາກການບໍລິການ ແລະ ການປະຕິບັດໜ້າທີ່ຂອງນະຄອນ, ເຖິງແນວໃດກໍ່ຕາມ ຂໍ້ມູນນີ້ບໍ່ໄດ້ຖືກຜັນຂະຫຍາຍໄປໃຊ້ເຂົ້າໃນການວາງແຜນຜັງເມືອງ ແລະ ການຕັດສິນໃຈ. ຄວາມກັງວົນທີ່ເພີ່ມຂຶ້ນກ່ຽວກັບຄວາມເປັນສ່ວນຕົວ ແລະ ຄວາມປອດໄພຂອງຂໍ້ມູນ ຍັງກີດຂວາງການນໍາໃຊ້ລະບົບດິຈິຕອລ ແລະ ການລວບລວມຂໍ້ມູນ. ອົງການປົກຄອງນະຄອນຈະສາມາດເຮັດຫຍັງໄດ້ແດ່ ເພື່ອຮັບປະກັນວ່າຂໍ້ມູນສຳຄັນເຫຼົ່ານີ້ຈະບໍ່ເສຍໄປ? ສາມາດປັບປຸງການຄຸ້ມຄອງຂໍ້ມູນໄດ້ແນວໃດ ແລະ ຈະນໍາໄປສູ່ຊີວິດທີ່ດີຂຶ້ນໄດ້ແນວໃດ? ບັນດາຄໍາຖາມເເຫຼົ່ານີ້ ຈະຖືກນໍາສະເໜີ ຢູ່ໃນຫຼັກສູດການຮຽນຮູ້ແບບແນະແນວ (GLP) ຂອງກອງທຶນ AASCTF.
ຫຼັກສູດການຮຽນຮູ້ແບບແນະແນວ (GLP) ຈະເນັ້ນໃສ່ການຫົວຂໍ້ ຈັດການຂໍ້ມູນ ຜ່ານກອງປະຊຸມ webinars ຫຼາຍກວ່າ 3 ຄັ້ງ, ເຊິ່ງຈະກະຈາຍຢູ່ໃນອົງປະກອບການຮຽນຮູ້ລົງເລີກລະອຽດ ໃຫ້ແກ່ຜູ້ເຂົ້າຮ່ວມ ຈາກອົງການປົກຄອງທ້ອງຖິ່ນທີ່ຄັດເລືອກມາ. ໃບປິວໃບນີ້ ຈະສະເໜີບັນດາຫົວຂໍ້ ແລະ ຈຸດສຸມ ຂອງແຕ່ລະກອງປະຊຸມ webinar ພ້ອມກັບລາຍລະອຽດດ້ານໄລຍະເວລາ ແລະ ໂຄງສ້າງຂອງໂຄງການ. ຈຸດປະສົງຂອງ ຫຼັກສູດການຮຽນຮູ້ແບບແນະແນວ ແມ່ນເພື່ອສ້າງປະສົບການການແລກປ່ຽນຄວາມຮູ້ທີ່ອຸດົມສົມບູນ, ສະຫນັບສະຫນູນການສ້າງຄວາມອາດສາມາດໃຫ້ແກ່ນະຄອນ ກ່ຽວກັບການຄຸ້ມຄອງຂໍ້ມູນ ແລະ ສ້າງແຜນການຈັດຕັ້ງປະຕິບັດຕົວຈິງ ແລະ ການສ້າງນະວັດກໍາ.